...لعيـــــنيكـ أمــي...

يا أمي وش اكتب للقصيد إن حضرتي تخوننـي كـل القصايـد والأشعـار
ياللـي بقلبـي والعيـون انكتبتـي أقراك في صدري وكفـي والأفكـار
غيث هما وسط العـروق وهطلتـي عطف وحنان وسال فعيوني انهـار
ويشرق بصمتك نـور وإذا هرجتـي طار الفراش بمبسمك يـم الأخبـار
كنك وفا شمس الضحى لا شرقتـي نورك حنان وللدفا حضنـك وجـار
ومثل النخيـل بهامتـك لا ارتفعتـي صدرك ظلال وللعطـا كفـك أثمـار
ومنك الكرم يغضي حيـا لاكرمتـي لأنك عطيتي حب وإجـلال وإكبـار
اطهر من ألما فالسحايـب وصرتـي أنقا من أنفاس الهوى وقت الأمطـار
يا مـا تبسمتـي حنـان وحضنتـي ويا ما رقيتينـا بدعـوات وأذكـار
ويا ما تغاضيتي وشمتـي وشلتـي كثر الخطايا صغار وأحلامنـا كبـار
وإذا تبسمنـا بصـدق ابتسمـتـي وإذا زعلنـا ضاقـت بعينـك الـدار
وإذا تكلمـنـا بـحـب استمعـتـي وفي قلبك الصادق حفظتي لنا أسرار
وان همنا موضوع معنـا سهرتـي و لنا دعيتـي وابتهلتـي بالأسحـار
وعلى التعب والهم يا مـا صبرتـي ولاشكيتـي يـوم بـارد ولا حـار
حتى وحنا كبـار لا مـا استرحتـي فكرك دليل دروبنـا وقـت الأسفـار
وقلبك يشيل همومنـا لـو سكتـي مثل القمر يعكس لنا ضوء الأنـوار
يا أمي رضاك يزيد لو مـا طلبتـي وإلا غلاك بداخل الصـدر مسمـار
الله أمرنـا بالخضـوع إن أمرتـي ونخفض جناح الذل من قبل الأعـذار
ياللي برضا الله والجنـان ارتبطتـي يعني رضاك لجنة الخلـد مضمـار
امشي على صدري بفخر إن عبرتي وعلى جفون العين لا مر بـك مـار
واخذي من أيامي سنين إن قدرتـي وارمي على كتفي المتاعب والأخطار
وشلون نلحق لك جزآك إن سئلتـي ما نوصلك حقك ولو ندفـع أعمـار
الله يمتعنـا بـك سنيـن وأنـتـي بصحة وطيب وشامخة مثل الأشجار
ويعطيك ربي كثـر منتـي وهبتـي في دارك الدنيـا وفـي دار الأبـرار
لكـن يحـز بخاطـري لا كبـرتـي ودي السنين تصير في عمرك ازهار
وأجيب لك وأعطيك واقـول دمتـي والفضل لله ثم لك بكـل مـا صـار
يا أمي تمر سنيـن ويضيـع وقتـي يالله عساي أكون أنـا ابنـك البـار


اتمني انها نالت اعجابكمـ
منقول
أختكم الراحلة

مشكوورة اختي على الشعر الرائع

وننتظر المزيد من هذه الاشعار

تحياتي

مشكورة اختي على القصيدة والصراحه ابدعتي اذا انتي كتبتينها ولا بس نقلتينها وتسلم ايدج

الصراحه الاشعار والقصايد التي تكتبها جميلة جداا واتمنى تشوف ردودج في مجالات ثانيه مو بس في المنتديات الادبيه

ثنكس خيوووووو

ننتظر مزيدج